"Кытайдын картөшкөсүн кыш бою жедик". Базар баасы, дыйкандын эмгеги

Жыл башынан бери кыргыз базарын Кытайдан келген картөшкө каптады. Ошол эле маалда жергиликтүү дыйкандар өз түшүмүн сата албай, чирип баратканына нааразы. Муну менен катар Орусиядан келген жылкы, бодо мал жана үй канаттуулардын саны 5-6 эселеп көбөйгөн. Түркиядан ташылган жумуртка да жалпы импорттун 80% жетип жатат. Кыргыз өкмөтү өлкөнүн азык-түлүк коопсуздугу менен атамекендик ишкерлердин кызыкчылыгын кантип коргоп жатат?